Procedura Administrative

Universiteti Universiteti i Prishtinës Pri shtinës Fakulteti Juridik

PUNIM SEMINARIK

Tema: “DALLIMI NË MES TË PROCEDURËS ADMINISTRATIVE DHE PROCEDURËS SË KONFLIKTIT ADMINISTRATIV” Lënda: Procedura Administrative Administrative Niveli : Bachelor Viti i studimeve: III

Mentor: Prof.mr.sc Mirlinda Batalli Studenti: Arbnor Murturi Maj 2014, Prishtinë

PËRMBAJTA HYRJA........................................................................................................................................3 1.PROCEDURA ADMINISTRATIVE DHE PROCEDURA E KONFLIKTIT ADMINISTRATIV.....................................................................................................................4 1.1.Procedura administrative.........................................................................................4 1.2 Procedura e konfliktit administrativ......................................................................6

2.DALLIMET MES PROCEDURËS ADMINISTRATIVE DHE PROCEDURËS SË KONFLIKTIT ADMINISTRATIV........................................................................................10 2.1.Dallimet materiale...............................................................................................................10 2.1.1 Dallimet në burimet juridike...............................................................................11 2.1.2 Dallimet në objektin............................................................................................11 2.1.3 Dallimet në qëllimin............................................................................................11

2.2.Dallimet procedurale.........................................................................................................12 2.2.1 Dallimet në fazën e fillimit të procedurës..............................................................12 2.2.2 Dallimet në organin i cili e zhvillon procedurën...................................................13 2.2.3 Dallimet në fazën e nxjerrjes së vendimit .............................................................13 2.2.4 Dallimet në përfundimin e procedurës...................................................................14 2.2.5 Dallimet në fazën ankimore....................................................................................14

PËRFUNDIMI...........................................................................................................................16 BIBLIOGRAFIA......................................................................................................................16

HYRJA Procedura administrative dhe procedura e konfliktit administrativ janë dy procedura të ndryshme nga njëra tjetra edhe pse të dyja kanë të bëjnë me fushën administrative. Ky punim seminarik ka për qëllim të sqarojë dallimet në mes të këtyre procedurave në mënyrë që studentët e fakultetit juridik e në veçanti ata të cilët kanë përzgjedhur modulin kushtetutesadministrativ, të jenë në dijeni për dallimet që kanë këto dy lloje të procedurave dhe të dinë si ti evidentojnë ato. Gjetja dhe njohja e këtyre dallimeve ka një rëndësi të konsiderueshme teorike dhe praktike  pasiqë i kontribuon njohjes sa ma të thellë të procedurave të lartpë rmendura. Me këtë punim seminarik, synohet që përmes metodës hulumtuese dhe metodës krahasuese të sqarohen dallimet mes procedurës administrative dhe procedurës së konfliktit administrativ, duke i krahasuar këto dy lloje procedurash si në aspektin material ashtu edhe në aspektin  procedural, me ç’rast do të rezultojmë në gjetjen e dy lloje kryesore të dallimeve mes tyre: dallimet materiale dhe dallimet procedurale. Të gjitha dallimet e gjetura përmes metodës së hulumtimit dhe më pas krahasimet mes tyre me metodën e krahasimit, janë të paraqitura në mënyrë të detajizuar dhe të klasifikuar në  përmbajtjen e këtij punimi seminarik.

1. PROCEDURA ADMINISTRATIVE DHE PROCEDURA E KONFLIKTIT ADMINISTRATIV 1.1 Procedura administrative Procedura administrative rregullohet me Ligjin mbi Procedurën e përgjithshme administrative të ish RSFJ me numër të protokollit 47/86 në Gazetën Zyrtare të ish-RSFJ, ligj ky i cili ende ështe në fuqi sipas Rregullores së Unmikut.1 Procedura administrative ushtrohet në radhë të parë nga organet e administratës shtetërore, nga organet tjera shtetërore dhe nga organizatat të cilat ushtrojnë autorizime publike. Kompetent për të filluar procedurën administrative është organi i administratës, me iniciativën e vet, me kërkesën e palës, ose me kërkesën e publikut që nënkupton kërkesën nga avokati i  popullit ose personat e tretë si dhe organizatat të cilat veprojnë për mbrojtjen e interesave  publike. Pjesëmarrës kryesorë në procedurën administrative janë organi i administratës në njërën anë dhe pala në anën tjetër. Procedura administrative zhvillohet me qëllim të zgjidhjes së çështjes administrative, e cila konsiston në vendosjen me akt administrativ në lidhje me të drejtat,detyrimet apo interesat  juridike të palës e cila nënkupton personin fizik ose juridik. Me qëllim të nxjerrjes së drejtë dhe të ligjshme të vendimit, pas fillimit të procedurës administrative zhvillohet procedura hetimore, gjatë së cilës mblidhen dhe shqyrtohen provat ne  bazë të cilave do të merret vendimi. Procedura administrative në shkallë të parë përfundon me nxjerrjen e vendimit nga ana e organit të administratës i shkallës së parë, me të cilin palës i njihet ndonjë e drejtë apo i  përcaktohet ndonjë detyrim.  Nëse pala është e pakënaqur me vendimin e nxjerrë në procedurë administrative ajo ka të drejtë ankimi qoftë me mjete të rregullta ashtu edhe me mjete të jashtëzakonshme juridike.

1

 Agur Sokoli, E drejta procedurale administrative ,Prishtinë,2014,fq.12

Mjet i rregullt i ankimit në procedurë administrative është ankesa, të cilën pala duhet ta paraqes në formë të shkruar, në afat prej 30 ditësh nga dita e dorëzimit të vendimit dhe duhet ti drejtohet organit të shkallës së dytë për të vendosur në lidhje me të. 2 Organi i shkallës së dytë duhet të vendosë në afat prej 30 ditësh nga dita e dorëzimit të ankesës. Ankesa në procedurë administrative ka efekt suspenziv që do të thotë se e shtyn ekzekutimin e vendimit. Përveq ankesës si mjet i rregullt, pala e pakënaqur ka në dispozicion edhe mjetet e  jashtëzakonshme të ankimit të cilat mund të përdoren vetëm ndaj vendimeve të cilat janë bërë të ekzekutueshme. Mjete të jashtëzakonshme të ankimit në procedurën administrative janë: 1.  përsëritja e procedurës administrative, 2. ndryshimi dhe anulimi i vendimit lidhur me konfliktin administrativ, 3. kërkesa për mbrojtjen e ligjshmërisë, 4. nulimi dhe prishja e vendimit të formës së prerë me pëlqimin ose me kërkesën e  pales, 5. anulimi i vendimit sipas të drejtës së mbikqyrjes, 6. shpallja nul e vendimit, dhe 7.  prishja e jashtëzakonshme e vendimit.3 Me qëllim të realizimit të vendimeve të plotëfuqishme të nxjerra në procedurë administrative  bëhet ekzekutimi i tyre. Përmes ekzekutimit të vendimeve mundësohet realizimi i të drejtës së palës dhe përmbushja e detyrimit. Ekzekutimi në procedurë administrative bëhet i mundshëm atëherë kur pas përfundimit definitiv të procedurës administrative është nxjerrë vendimi i ekzekutushëm ose është lidhur ujdia (aktpajtimi) mes palëve i cili ka fuqinë e vendimit të ekzekutueshëm. Ekzekutimi zbatohet kundër personit i cili është i detyruar të përmbushë detyrimin. Ekzekutimi duhet të bëhet nga organi i adminstratës i shkallës së parë i cili ka vendosur në lidhje me çështjen, por mund të bëhet edhe në rrugë gjyqësore përmes gjykatës e cila ndodhet 2

 Agur Sokoli, E drejta procedurale administrative,Prishtinë,2014,fq.186

3

 Ibid.fq.195

në komunën ku ka banimin ose vendqëndrimin personi i cili është i detyruar të përmbush detyrimin. Afati kohor për ekzekutimin e aktit administrativ nga administrata është 15 ditë nga data e hyrjes në fuqi të aktit, me përjashtim të rasteve kur ligji parashikon ndryshe.

1.2 Procedura e konfliktit administrativ Procedura e konfliktit administrativ është rregulluar me Ligjin mbi konfliktet administrative  Nr. 03/L-202 të datës 16 shtator 2010.4 Konfliktet administrative lindin në rastet kur pala (individi ose personi juridik) pretendon se me akti përfundimtar i nxjerrë në procedurë administrative nga ana e organit shtetëror ose organizatës e cila ushron autorizime publike, është i kundërligjshëm dhe me të i janë cenuar të drejtat dhe interesat juridike. Për këtë shkak, pala fillon konfliktin administrativ, në mënyrë që të kontestojë ligjshmërinë e aktit të nxjerrë nga ana e organit administrativ.  Në nenin 10 të Ligjit mbi Konfliktet Administrative përcaktohet se kush mund të fillojë konfliktin administrativ.  Në bazë të këtij neni, të drejtë për të filluar konfliktin administrativ kanë: personi fizik os e  personi juridik, avokati publik, organizatat të cilat veprojnë në mbrojtje të interesit publik,  prokurori publik kompetent ose organi tjetër i autorizuar me ligj, si dhe or gani administrativ. Personi fizik ose personi juridik ka të drejtë për të filluar konfliktin administrativ në qoftë se konsideron se me aktin administrativ i është shkelur ndonjë e drejtë apo interes direkt personal i bazuar në ligj.5 Avokati publik, mund ta fillojë konfliktin administrativ në qoftë se me aktin administrativ është shkelur ligji në dëm të bashkësisë shoqërore, respektivisht të institucionit të cilin e mbron ai në bazë të ligjit.

4

 Agur Sokoli, E drejta procedurale administrative ,Prishtinë,2014,fq.215

5

 Ligji mbi Konfliktet Administrative, neni 10

Prokurori publik mund ta fillojë konfliktin administrativ në qoftë se me aktin administrativ është shkelur ligji në favor të personit të veçantë, apo të organizatës punuese (personit juridik), kompetent ose organi tjetër i autorizuar me ligj. Organi administrativ ka të drejtë të iniciojë konfliktin administrativ, kundër vendimit, që është marrë në bazë të ankesës në procedurën administrative, nëse konsideron se është shkelur ndonjë e drejtë ose interes i tij. Pozitën e palës në konfliktin administrativ e ka edhe personi, të cilit, anulimi i aktit administrativ të kontestuar, do t’i sillte dëm të drejtpërdrejtë ose të tërthortë. Konflikti administrativ fillohet me padinë të cilën e paraqet paditësi në gjykatën kompetente. Për hapjen dhe zhvillimin e konfliktit administrativ vlen maksima private (parimi i dispozicionit të palës) e jo maksima oficiele (zyrtare), d.m.th padinë e paraqet paditësi. Pa padi nuk ka konflikt administrativ, që do të thotë se, gjykata nuk mund ta fillojë konfliktin administrativ pa padinë e paditësit.6  Neni 18 i Ligjit mbi Konfliktet Administrative përcakton se paditës në procedurën e konfliktit administrativ mund të jenë: personi fizik ose juridik, avokati i popullit, organizatat të cilat veprojnë në mbrojtje të interesit publik.7 Kurse Neni 20 i këtij Ligji përcakton se palë e paditur në procedurën e konfliktit administrativ është organi, akti administrativ i të cilit kontestohet ose organi i cili sipas kërkesës apo ankesës së palës nuk e ka nxjerrur aktin që duhej ta nxirrte në afatin e përcaktuar ligjor. Padia me të cilën fillohet konflikti administrativ, paraqitet brenda afatit prej 30 ditësh nga dita kur palës i është dorëzuar akti administrativ përfundimtar. 8 Padia në procedurën e konfliktit administrativ, si rregull, nuk ka efekt suspenziv, d.m.th. nuk e ndalon ekzekutimin e aktit administrativ kundër të cilit është paraqitur. Mirëpo me kërkesën e paditësit, organi, akti i të cilit ekzekutohet, ose organi kompetent për ekzekutimin e aktit administrativ (në qoftë se ështe fjala për aktin e organizatës që nuk është e autorizuar për ekzekutim), do ta shtyjë ekzekutimin e aktit administrativ deri në nxjerrjen e vendimit definitiv gjyqësor, edhe atë në këto raste: 1.  Në qoftë se ekzekutimi do ti shkaktonte dëm paditësit, i cili vështirë do të mund të ndreqej. 6

 Agur Sokoli, E drejta procedurale administrative ,Prishtinë,2014,fq.216  Ligji mbi Konfliktet Administrative, neni 18 8  Ligji mbi Konfliktet Administrative, neni 20 7

2. Kur shtyrja e ekzekutimit nuk është në kundërshtim me interesin publik, e as me shtyrjen e ekzekutimit, do t’i shkaktohej ndonjë dëm më të madh palës kundërshtare. Mbi kërkësën e paditësit, për shtyrjen e ekzkeutimit të aktit administrativ, kundër të cilit është hapur konflikti administrativ, vendos organi i aktit të të cilit ekzekutohet, ose vendos organi kompetenet oër ekzekutimin e aktit administrativ. Organi kompetent për shtyrjen e ekzekutimit është i detyruar që mbi kërkesën e paditësit, për mosekzkekutimin e aktit administrativ, të nxjerrë vendim, edhe atë në afatin prej 3 ditësh nga dita e marrjes së kërkesës së paditësit për mosekzekutimin e aktit administrativ kontestues. 9 Për paditë kundër akteve administrative të të gjitha organeve vendos gjykata kompetente për çështjet administrative në shkallë të parë. Kompetent për të vendosur në lidhje me konfliktet administrative në shkallë të parë është Departamenti për Çështje Administrative në kuadër të Gjykatës Themelore në Prishtinë. Ky departament ka juridiksion për zgjidhjen e konflikteve administrative në shkallë të parë për tëre Kosovën. Ligji mbi Konfliktet Administrative në nenin 42 paragrafi 1, përcakton se Gjykata vendos mbi konfliktin administrativ me aktgjykim. Me aktgjykim, brenda kufijve të kërkesëpadisë, gjykata meritorisht shqyrton çështjen e ligjshmërisë së aktit administrativ. Gjykata vendos për çështjen e konfliktit administrativ, në bazë të fakteve të vërtetuara në  procedurën administrative përmes shqyrtimit verbal dhe vlerësimit të fakteve në seancë të hapur. Me aktgjykim, padia aprovohet ose refuzohet si e pabazuar.  Nëse padia aprovohet, gjykata anulon aktin administrativ të kontestuar. Pas anulimit të aktit administrativ lënda i kthehet organit të administratës (akti i të cilit është anuluar) që është i detyruar të nxjerr akt të ri administrativ, sipas pikëpamjes juridike të gjykatës, të dhënë në aktgjykim. Përveq kësaj, nëse karakteri i çështjes e lejon, dhe në qoftë se të dhënat e procedurës japin bazë të sigurtë për këtë gjë , mundet me aktgjykim të vendosë mbi çështjen administrative. Me refuzimin e padisë si të pabazuar, gjykata konstaton se akti administrativ ka qenë i ligjshëm dhe nuk është shkelur ligji në dëm të paditësit. 9

 Agur Sokoli, E drejta procedurale administrative ,Prishtinë,2014,fq.233-234

Me nxjerrjen e aktgjykimit nga gjykata kompetente e shkallës së parë përfundon procedura e rregullt e konfliktit administrativ. Përjashtimisht konflikti administrativ mund të përfundohet me aktvendim edhe pa nxjerrjen e aktgjykimit në këto dy raste: 1. Me rastin e heqjes dorë të paditësit nga padia 2. Kur organi i paditur nxjerr akt tjetër adminstrativ, me të cilin ndryshohet ose anulohet akti administrativ i cili kontestohet me padi, po që se paditësi deklaron se me aktin administrativ të nxjerrë më pas është i kënaqur ose në afatin e caktuar prej 15 ditësh nuk jep kurrfarë deklarate.  Në këto dy raste gjykata nxjerr vendim mbi pezullimin e procedurës së konfliktit adminstrativ.10  Nëse pala është e pakënaqur me vendimin e nxjerrë në procedurën e konfliktit administrativ në shkallë të parë, ajo ka të drejtë ankimi qoftë me mjete të rregullta ashtu edhe me mjete të  jashtëzakonshme juridike. Pala e pakënaqur me vendimin e nxjerrur nga gjykata kompetente e shkallës së parë, konkretisht nga Departamenti për Çështje Adiministrative i Gjykatës Themelore në Prishtinë, si mjet të rregullt mund ta përdor ankesën të cilën duhet të dorëzojë në Gjykatën e Apelit si gjykatë e shkallës së dytë. Kompetent për të vendosur në lidhje me ankesën e palës është Departamenti për Çështje Administrative në kuadër të Gjykatës së Apelit. Ankesa paraqitet në afat prej pesëmbëdhjetë (15)ditësh, që nga dita e pranimit të vendimit të gjykatës. Gjykata kompetente vendos mbi ankesën me aktgykim. Gjykata kompetenete me aktgykim e refuzon ankesën si të pabazuar nëse konstaton se ështe  bërë vlerësimi i drejtë i ligjshmërisë së aktit administrativ të kontestuar, ose e aprovon ankesën, nëse konstaton se konflikti administrativ është dashur të zgjidhet ndryshe, me ç’rast vendimin gjyqësor ndaj të gjykatës kompetente të shkallës së parë mund ta prishë ose ndryshojë. Përveq mjetit të rregullt, pala ka të drejtë ankimi edhe me mjete të jashtëzakonshme. Mjetet e jashtëzakonshme juridike në procedurën e konfliktit administrativ janë: 1. Rishikimi i vendimit gjyqësor të formës së prerë 10

 Agur Sokoli, E drejta procedurale administrative ,Prishtinë,2014,fq.239-240

2. Kërkesa për rishqyrtimin e jashtëzakonshëm të vendimit gjyqësor, dhe 3. Kërkësa për mbrojten e ligjshmërisë Kompetente për të vendosur në lidhje me mjetet e jashtëzakonshme juridike ështe Gjykata Supreme.

2.DALLIMET MES PROCEDURËS ADMINISTRATIVE DHE PROCEDURËS SË KONFLIKTIT ADMINISTRATIV

Duke u bazuar në kapitullin e parë ku u përshkruan të dy llojet e procedurave, mund të vërehet se mes procedurës administrative dhe procedurës së konflkitit administrativ ekzistojnë një sërë dallimesh të natyrës së ndryshme. Dallimet mes këtyre dy procedurave mund ti klasifikojmë në dy grupe kryesore.  Në grupin e parë bëjnë pjesë dallimet materiale, kurse në grupin e dytë bëjnë pjesë dallimet  procedurale.

2.1.Dallimet materiale Dallimet materiale konsistojnë në burimet juridike me të cilat rregullohet procedura administrative dhe procedura e konfliktit administrativ, në objektin e tyre dhe qëllimin për të cilin zhvillohen këto dy procedura.

2.1.1 Dallimet në burimet juridike Dallimet në burimet jurdike, konsistojnë në faktin se këto proecedura rregullohen me ligje të ndryshme. Procedura administrative rregullohet me Ligjin mbi Procedurën e Përgjithshme Administrative të ish RSFJ me numër të protokollit 47/86 në Gazetën Zyrtare të ish-RSFJ, ligj ky i cili ende ështe në fuqi sipas Rregullores së Unmik-ut. Kurse procedura e konfliktit administrativ është rregulluar me Ligjin mbi Konfliktet Administrative Nr. 03/L-202 i datës 16 shtator 2010.

2.1.2 Dallimet në objektin Dallimet në objektin e këtyre procedurave konsistojnë në atë se objekt i procedurës administrative është çështja administrative, e cila nënkupton vendosjen në lidhje me të drejtat, detyrimet dhe interesat juridike të subjektit të caktuar juridik i cili paraqitet si palë në  procedurën administrative qoftë me kërkesën e vet ose me kërkesën e organit administrativ i cili vendos çështjen administrative. Kurse objekt i procedurës së konfliktit administrativ është shqyrtimi i ligjshmërisë së aktit administrativ të nxjerrë nga organi administrativ, me të cilin është vendosur çështja administrative. Pra, objekt i procedurës së konfliktit administrativ është shqyrtimi i objektit të procedurës administrative, konkretisht shqyrtimi i ligjshmërisë së vendosjes në lidhje me të drejtat, detyrimet dhe interesat juridike të personit juridik i cili bën pjesë në procedurën administrative.

2.1.3 Dallimet në qëllimin Procedura administrative dhe procedura e konfliktit administrativ kanë gjithashtu qëllime të ndryshme.

Përderisa procedura administrative ka për qëllim vendosjen e drejtë të çështjes administrative,  pra nxjerrjen e vendimit të ligjshëm me anë të cilit vendoset në lidhje me të drejtat, detyrimet dhe interesat e personit juridik, në anën tjetër procedura e konfliktit administrativ ka për qëllim që përmes shqyrtimit të ligjshmërisë së vendimit të nxjerrë me të cilin është vendosur çështja administrative, të kontrollohet ligjshmëria e vendimeve ose akteve administrative në procedurë administrative. Pra, qëllim i procedurës së konkfliktit administrativ ështe që të kontrollohet nëse ështe arritur qëllimi i procedurës administrative.

2.2.Dallimet procedurale Dallimet e natyrës procedurale mes procedurës administrative dhe procedurës së konfliktit adminitrativ, përveq fazës shqyrtuese (hetimore) i hasim në të gjitha fazat e zhvillimit të këtyre dy procedurave,duke filluar që nga faza e fillimit të procedurës, organin i cili e zhvillon  procedurën, fazën e nxjerrjes së vendimit, në përfundimin e procedurës dhe në fazën ankimore. Faza shqyrtuese (hetimore) që zhvillohet deri në nxjerrjen e vendimit është e njëjtë në të dyja  procedurat. Sikurse në procedurën administrative, ashtu edhe në procedurën e konfliktit administrativ, para nxjerrjes së vendimit zhvillohet procedura hetimore apo e shqyrtimit, që konsiston në sigurimin e provave dhe dhënies së mundësisë së palëve në procedurë që në mënyrë verbale përmes seancave verbale ose në mënyrë të shkruar përmes parashtresave, të deklarohen në lidhje me faktet dhe rrethanat të cilat do të ndikonin në nxjerrjen e vendimit.

2.2.1 Dallimet në fazën e fillimit të procedurës Procedura administrative fillohet me kërkesë, kurse procedura e konfliktit administrativ fillohet me padi.

Tek procedura administrative vlen maksima oficiele (zyrtare) e fillimit të procedurës administrative, pasiqë këtë procedurë mund ta fillojë vetëm organi administrativ,me iniciativën e vet, me kërkesën e palës (personit fizik ose jurdik), me kërkesën e avokatit të popullit, me kërkesën e personave të tretë ose me kërkesën e organizatave të cilat veprojnë për mbrojtjen e interesave publike. Kurse tek procedura e konfliktit administrativ vlen maksima private e fillimit të procedurës administrative, pasiqë kjo procedurë fillohet me padi, të cilën mund ta bëjë personi fizik ose  juridik, avokati i popullit, prokurori publik ose organizatat të cilat veprojnë në mbrojtje të interesit publik.

2.2.2 Dallimet në organin i cili e zhvillon procedurën Saipërket zhvillimit të procedurës administrative dhe procedurës së konfliktit administrativ, ekziston dallimi edhe në organet ku zhvillohen këto procedura. Procedurën administrative e zhvillon organi administrativ, në radhë të parë organi i adminitratës shtetërore, organi tjetër shtetëror dhe organizatat të cilat ushtrojnë autorizime  publike kur vendosin në lidhje me të drejtat, detyrimet dhe interesat juridike të perso nave të caktuar juridik. Kurse procedurën e konfliktit administrativ e zhvillon organi gjyqësor, konkretisht gjykata kompetente për zgjidhjen e konflikteve administrative.  Në Republikën e Kosovës, kompetente në lidhje me këtë çështje është Gjykata Themelore në Prishtinë, konkretisht Departamenti për Çështje Administrative në kuadër të kësaj gjykate. Kjo nënkupton se procedura administrative zhvillohet në organe administrative, kurse  procedura e konfliktit administrativ zhvillohet në një organ gjyqësor.

2.2.3 Dallimet në fazën e nxjerrjes së vendimit Saipërket vendosjes në procedurën administrative dhe në procedurën e konfliktit administrativ, dallimi qëndron në çështjen apo objektin për të cilin vendoset në njërën procedurë krahas

 procedurës tjetër, pasiqë në procedurën administrative vendoset në lidhje me të drejtat, detyrimet ose interesat juridike të subjekteve juridike, kurse në procedurën e konfliktit administrativ vendoset në lidhje me ligjshmërinë e aktit administrativ me të cilin është vendosur në lidhje me të drejtat,detyrimet dhe interesat juridike të subjekteve juridike.  Në procedurën administrative vendos personi i lartë zyrtar i organit administrativ i cili mund të  jetë epërori më i lartë i atij organi administrativ ose i deleguari i tij, kurse në procedurën e konfliktit administrativ vendos gjyqëtari kompetent për çështje administrative. Organi i procedurës administrative vendos me akt administrativ, kurse në procedurën administrative, organi gjyqësor vendos me aktgjykim.

2.2.4 Dallimet në përfundimin e procedurës Përveq dallimit të akteve me të cilat përfundohen këto dy procedura, mund të vërehen dallime edhe në mënyrat e përfundimit të këtyre dy procedurave. Tek procedura administrative e hasim ujdinë ose aktpajtimin si mënyrë e përfundimit të  procedurës administrative, pasiqë nëse dy palë me interesa të kundërta në procedurë, para nxjerrjes së vendimit merren vesh që të lidhin ujdi ose aktpajtim, ky akt ka fuqinë e vendimit të ekzekutueshëm dhe me të përfundohet procedura administrative, kurse në procedurën e konfliktit administrativ nuk kemi të bëjmë me palë me interesa të kundërta në procedurë,  pasiqë procedura zhvillohet vetëm ndërmjet palës e cila konteston aktin administrativ në njërën anë dhe organit administrativ i cili e ka nxjerrur aktin administrativ në anën tjetër.

2.2.5 Dallimet në fazën ankimore të procedurës Siç u theksua më sipër procedura e rregullt administrative përfundon me nxjerrjen e aktit administrativ, kurse procedura e rregullt e konfliktit administrativ përfundon me aktgjykim.  Ndaj aktit administrativ të nxjerrë në procedurë administrative, poashtu edh e ndaj aktgjykimit të nxjerrë në procedurën e konfliktit administrativ palët e pakënaqura mund fillojnë procedurën ankimore duke i goditur aktet në fjalë me mjete të rregullta dhe të jashtëzakonshme juridike.

Sikurse në procedurën administrative, ashtu edhe në konfliktin administrativ palët e  pakënaqura, si mjet të rregullt juridik kanë në dispozicion ankësën, mirëpo në këto dy  procedura dallojmë afate të ndryshme në lidhje me paraqitjen e ankesës. Përderisa në procedurë administrative, ankesa ndaj vendimit të organit administrativ të shkallës së parë duhet të paraqitet në organin administrativ të shkallës së dytë në afat prej 30 ditësh nga dita kur vendimi i është dorëzuar palës, në procedurën e konfliktit administrativ, kundër vendimit të organit kompetent gjyqësor të shkallës së parë, ankesa duhet të paraqitet në organin gjyqësor të shkallës së dytë në afat prej 15 ditësh. Përderisa edhe në procedurën administrative ashtu edhe në procedurën e konfliktit administrativ si mjet të rregullt ankimor juridik e hasim ankesën, në lidhje me mjetet e  jashtëzakonshme juridike të ankimit hasim dallime në numrin e këtyre mjeteve që janë në dispozicion në këto dy lloje të procedurave.  Në procedurën administrative palët kanë në dispozicion gjithsej shtatë (7) mjete të  jashtëzakonshme juridike: përsëritja e procedurës administrative,ndryshimi dhe anulimi i vendimit lidhur me konfliktin administrativ, kërkesa për mbrojtjen e ligjshmërisë, nulimi dhe  prishja e vendimit të formës së prerë me pëlqimin ose me kërkesën e pales, anulimi i vendimit sipas të drejtës së mbikqyrjes, shpallja nul e vendimit dhe prishja e jashtëzakonshme e vendimit. Kurse në procedurën e konfliktit administrativ palët kanë në dispozicion tri (3) mjete të  jashtëzakonshme juridike: rishikimi i vendimit gjyqësor të formës së prerë, kërkesa për rishqyrtimin e jashtëzakonshëm të vendimit gjyqësor dhe kërkësa për mbrojten e ligjshmërisë.

PËRFUNDIMI  Në bazë të hulumtimeve dhe të gjeturave të cilat janë të përfshira në përmb ajten e këtij punimi seminarik që ka të bëj me dallimet në mes të procedurës administrative dhe procedurës së konfliktit administrativ, mund të konkludohet se ekzistojnë një sërë dallimesh të natyrave të ndryshme në mes të këtyre dy lloje të procedurave. Gjetja,studimi dhe krahasimi i natyrave të këtyre dallimeve bën të mundur kuptimin sa më të detajuar të këtyre procedurave dhe natyrës juridike të tyre. Pas gjetjes, studimit dhe krahasimit të dallimeve mes këtyre procedurave mund të përfitohet një këndvështrim më i kthjellët dhe i qartë, teorik dhe praktik në lidhje me kto dy lloje të  procedurave të rëndësishme juridiko-administrative. Është gjithashtu e rëndësishme të konkludohet se mënyra e këtillë e studimit, pra duke o fokusuar në gjetjen e dallimeve mes këtyre dy lloje të procedurave administrative, përmes metodës hulumtuese dhe krahasuese ishte një mënyrë shumë e mirë e kuptimit të detajuar të tipareve dhe elementeve kryesore që i përbëjnë dhe i formësojnë këto dy lloje të procedurave  juridiko-administrative.  Një mënyrë e këtillë e studimit rekomandohet të përdoret edhe në studime tjera.

BIBLIOGRAFIA Dr.sc.Sokoli,Agur. E drejta procedurale administrative. ISBN 9951-401-14-7. Prishtinë, 2014. Ligji Nr. 03/L-202 Mbi konfliktet administrative i Republikës së Kosovës. Ligji Nr. 02/L-28 Për procedurën administrative.